Përgatiti: Skender Mustafi
Në këtë mësim mund të realizoni disa efekte mbi flamurin shqiptar duke shfrytëzuar Paint.NET, softuerin falas për përpunimin e fotografive.
1. Shkarkoni flamurin origjinal shqiptar nga interneti. Këtë mund të e gjeni tek artikulli i flamurit në Wikipedia.
2. Hapeni Paint.NET dhe hidheni foton e flamurit. Dyfishoni shtresën e punës (layer) me flamurin në të. Tani keni dy flamuj një mbi të.
3. Përzgjidhni shtresën sipër dhe realizoni efektin: Effects –> Artistic –> Pastel…
4. Tani përzgjidhni shkopin magjik nga shiriti i mjeteve (shih foto më poshtë) dhe fshini ngjyrën e kuqe të shqiponjës (mos harroni edhe brenda tek sytë të largoni ngjyrën e kuqe). Fshirja realizohet duke klikuar me shkop magjik mbi ngjyrë dhe pastaj në tastierë shtypni pullën “Delete“. Pas realizimit të këtyre veprimeve u mbetet shqiponja e shtresës sipër me prapavijën e kuqe të shtresës poshtë. Si në foton më poshtë.
5. Jepni tani një efekt tjetër duke kaluar tek Adjustments –> Hue/Saturation… Tek dritarja përcaktoni vlerat: Hue: -49, Saturation: 164, Lightness: -56
6. Efekti i radhës: Effects –> Artistic –> Texturize… (shih të dhënat e përcaktuara në foton më poshtë).
7. Lëvizeni shtresën me shqiponjë për 10 shtypje të tastierës POSHTË dhe 10 shtypje MAJTAS. (tani fotoja duket si më poshtë)
9. Tani bashko shtresat njëra me tjetrën (shih mjeti i bashkimit është shënuar në foton më sipër).
10. Jepni tani dhe efektin e fundit: Effects –> Noise –> Grain (Amount: 197, Balance 45). Këtë efekt e përsërisni 4 herë.
Vini Re: Të dhënat e mësipërme mund të i vendosni sipas dëshirës suaj, kështu dhe do të fitoni rezultat të ndryshëm nga kjo që tani fituam. (shih më poshtë rezultatin e punës së bërë)
